Kalendarioa   Osteguna, 2017ko Martxoaren 30a

ongietorri zerikasi.com web orrira

Web orri honen bidez, garapen pertsonalari begira nahiz lan munduratzeari begira, eskualde eta herrialde mailan eskaintzen den formakuntza aukera osoaren informazioa aurkitu daiteke. Batetik intranet bat da, prestakuntzaren profesionalekin loturiko berrien eta ekitaldien berri izan daitekeelako. Bestetik, informazio ugari izan daiteke eskura. Eta azkenik, balio erantsiko beste zerbitzu batzuk aurkitu daitezke: etengabeko prestakuntza, newstletter, SMS bidezko albisteak, etab.


azken albisteak

2017-03-20 | Irakaskuntza
» Gaitasun komertzialak garatzeko ikastaroa antolatu du Eibarko Udalak, DEBEGESArekin elkarlanean
Gaitasun komertzialak garatzeko ikastaroa antolatu du Eibarko Udalak, DEBEGESArekin elkarlanean

Ikastaroa langabeei zuzenduta dago, Enpresen Administrazioa eta Humanitate ikasketak dituztenei (LH eta unibertsitatea). Interesa dutenek martxoaren 22ra arte dute izena emateko aukera, Pegoran.

Eibarko Udalak eta Debegesak langabeentzako "Saltzaile gaitasuna garatzen" ikastaroa antolatu dute, Enpresen Administrazioa eta Humanitate ikasketak dituztenei zuzenduta (LH eta unibertsitatea). Helburua da salmenta-prozesuak kudeatzen ikastea, baita enplegua bilatzeko gaitasuna garatzea ere.

Ikastaroko tokien %60 emakumeentzat gorde dira. Horren arrazoia da Eibarren 215 emakume inguru daudela langabezia egoeran aipatutako profilarekin.

Izena emateko epea irekita dago, martxoaren 22ra arte. Interesdunek Pegorara jo behar dute, bertan informazioa jaso eta eskabideak bideratzeko.

Ikastaroan honako esparruak landuko dira: saltzaile gaitasuna, IKTen erabilera salmentak kudeatzeko (sare sozialak eta marketing digitala) eta coaching programa bat. Eta hauek izango dira edukiak: salmenten kudeaketaren hastapenak, salmenta-plana, egungo enpresetan dauden salmenta-erronkak, saltzailearen gaitasunak, komunikazio-gaitasunak eta aurkezpen eraginkorrak.

Izena eman ahal izateko gutxieneko baldintzak bete behar dira: langabezia egoeran egotea, erdi-mailako edo goi-mailako lanbide heziketa edo unibertsitate ikasketak edukitzea enpresa-kudeaketan edo humanitateetan espezializatua, Eibarren erroldatuta egotea eta gazteleraz ondo moldatzea, ahoz zein idatziz.


Marra etenaMarra etenaMarra etena
2017-03-20 | Irakaskuntza
» Debabarrenako ABIAN Enplegu eta Lanbide Heziketaren III. Azoka
Debabarrenako ABIAN Enplegu eta Lanbide Heziketaren III. Azoka

Lan bila ari diren pertsonek Debegesaren webgunean –www.debegesa.eus – jaso dezakete lan-eskaintza hauen guztien berri, eta bertan eman behar dute izena martxoaren 20a baino lehen.

Martxoaren 29tik 31ra bitarte, Debabarreneko Udalek, Debegesa garapen agentziaren bitartez, eta eskualdeko Lanbide Heziketa zentroek #ABIAN Debabarreneko III. Enplegu eta Lanbide Heziketa Azoka egingo dute Eibarren, Armeria Eskolaren patioan. Egitasmoak SD Eibar Fundazioaren, Eusko Jaurlaritzako Enplegu eta Gizarte Politiketako sailaren, Gipuzkoako Foru Aldundiko Ekonomia Sustapeneko, Landa Inguruneko eta Lurralde Orekako departamentuaren, Obra Social La Caixaren eta Laboral Kutxaren laguntza jaso du. Halaber, eskualdeko bederatzi enpresek bat egin dute ekimenarekin: Danobat Group, IK4-Tekniker, Egile, EPC, Alcorta, Etxe-tar, Kirolbet, Urkotronik eta AGME.

Oraingoan #ABIAN Azokak lana bilatzen ari diren pertsonen eta lanposturen bat betetzeko beharrizana duten inguruko enpresen arteko topagune izan nahi du. Gainera, gure eskualdeko eskaintza formatiboa kalitatezko kualifikazio aukera gisa eta lan merkatuaren beharrizanei ondoen egokitutako ikasketa gisa ezagutzera ematea du helburu, baita langabezia egoeran dauden pertsonen prestakuntzarako aukera gisa ere.

Horretarako, Debegesak eskualdeko eta inguruko enpresen prospekzioa egin du, berehalakoan bete behar dituzten lanpostuak identifikatze aldera. Honela, dagoeneko 70 lanpostu baino gehiago eskaintzea lortu da. Lan bila dabiltzan pertsonek HEMEN jaso dezakete lan-eskaintza hauen guztien berri eta bertan eman ahal izango dute izena, martxoaren 20a baino lehen. Data horretatik aurrera, martxoaren 27ra bitarte, lehen hautaketa prozesua egingo da eta, azkenik, martxoaren 29an, 30ean eta 31an, ABIAN Azokan bertan, euren lantaldeak osatzeko profesional  bila dabiltzan enpresek egingo dituzte azken lan-elkarrizketak.

Enplegu eta Lanbide Heziketa azoka hau Debabarreneko Udalek, Debegesaren bitartez, eskualdean dugun langabezia egoerari aurre egiteko eta ekonomiaren sustapenerako abian jarritako egitasmo eta neurrien artean kokatzen da.

LAN-ESKAINTZA guztiak ikusi


azken ikastaroak

Ordenagailu bidezko disenua 3D II. NX gainazalak Elgoibar Ikusi Ikusi
Gmail. Posta-elektronikoa baino gehiago Elgoibar Ikusi Ikusi
Oinarrizko Interneta. Nabigatzen eta posta elektronikoak bidaltzen ikasi Elgoibar Ikusi Ikusi
Google Drive. Dokumentuak bildu eta partekatu Deba Ikusi Ikusi
Wikipedia: elkarlaneko entziklopedia digitala Deba Ikusi Ikusi

Zerikasi (Bizitza Osoan Zeharreko Ikaskuntza) 2007 | Design by: Hamaika Web
IMH, Azkue Auzoa, 1 - 20870 Elgoibar, Tlf. 943 744132 / 943 74 4132, Fax. 943 74 4153
Conforme W3C XHTML 1.0 | CSS 2.0 | WAI 'AAA'
IMHEusko JaurlaritzaUnion Europea Union Europea